RSS

Category Archives: lovelife

Pag-ibig At Wala ng Iba

Pero may pag-ibig talaga na hindi pwedeng ipagsigawan sa buong mundo.

Ito yung uri ng pag-ibig na puno ng panganib, nababalot ng misteryo at walang kasiguraduhan. Ito ang uri ng pag-ibig na matagal inaasam ngunit minsan lang sa buong buhay makamit. Ito yung uri ng pag-ibig na alam mong hindi mapapasayo hanggang sa huling araw ng iyong hininga. At tila ba pinagbibigyan ka lamang ng tadhana ng karanasan na sa dulo ng iyong buhay ay babalik-balikan mo bilang isang masaya, makulay at mapait na ala-ala.

May pag-ibig na sa kabuoan ay masakit ngunit sa bawat detalye ay puno ng mga matamis na kwento. Ito yung pakiramdam na minsan sa buhay mo nalaman mong pwede kang magmahal, at pwede kang mahalin bilang kapalit, hindi ka susumbatan ngunit ipaparamdam sayo ang iyong kahinaan, palalakasin ka sa oras na tila ba ika’y nag-iisa at sasamahan ka hanggang mag-umaga. Ito ang pag-ibig na pang matagalan ang epekto ngunit hindi pwedeng pang habambuhay.

Ito yung pag-ibig na nais mong ipaalam sa lahat ng tao ngunit hindi mo pwedeng ikwento sa lahat. Ito ang pag-ibig na kaunti lamang ang nakakaintindi. Ito ang pag-ibig na mas titibay kung ililihim, kung pananatilihing sa isang maliit na mundo na walang matang mapanghusga, walang opinyon, walang mga mapanakit na salita at walang pagtatakwil. Ito yung uri ng pag-ibig na kakasya lamang sa mundo ng dalawang tao. Wala ng iba.

Wala ng iba.

Wala ng iba.

May pag-ibig na mahirap ilihim, ngunit mas madaling itago, madaling ipaglandakan, ngunit mahirap ipaliwanag kung bakit at paano nangyari. Ito yung pag-ibig na hindi sa labas ng tahanan kadalasang nagaganap. Ito yung pag-ibig na nabuo mula sa pagtakas sa mundong makasarili. Ito yung pag-ibig na malaya, masaya, mahinahon, mapagmasid, mapagbantay, kadalasan mapagpanggap. Ito yung uri ng pakiramdam na gusto mo lang umibig at wala ng iba. Wala ng mahabang paliwanag. Wala ng kumplikadong sitwasyon. Ito yung pag-ibig na pag-ibig lang. Puro. Matiwasay.

Ito yung pag-ibig na hindi mo alam bakit nga ba nagaganap at kung saan kayo dadalhin. Ito yung uri ng emosyon na ang alam mo lang ay tumitibok ang puso mo at gumigising ka dahil alam mong may pag-ibig ka sa iyong puso. Yung nabubuhay ka hindi para sa sarili mo, kundi para sa pag-ibig. Ito yung matutulog ka dahil alam mong bukas ay may pag-ibig ka pa rin at pakiramdam mo walang katapusan ang pag-ibig na iyon. Walang kapaguran. Walang pagpapagal. Pag-ibig na walang kabusugan. Pag-ibig na laging naghahanap ng kasagutan. Pag-ibig na naghahanap ng puwang. Pag-ibig na para sa iyo.

Ito yung pag-ibig na wala kang magawa kundi umibig lang. Hindi mo kailangan ng yaman, opinyon, pananaw, payo o tulong. Ito yung pag-ibig na kailangan mong lasapin sa bawat oras dahil alam mong nauubos. Ito yung pag-ibig na natatapos. Ito yung pag-ibig na hindi nagtuturo ng kabanalan, ngunit nagtuturo ng pag-ibig na higit sa mga banal.

May pag-ibig na pag-ibig lamang. Isang pag-ibig na matiwasay, payapa, mapagmasid, matibay at walang ibang nakakaalam. Handang matapos sa takdang panahon. Pag-ibig na makasarili sa loob lamang ng maikling panahon. Pag-ibig na handang magparaya alang-alang sa iba pang pag-ibig na darating. Pag-ibig na wala sa mali o tama. Kundi pag-ibig lamang.

At wala ng iba.

Wala ng iba.

 
1 Comment

Posted by on August 14, 2011 in lovelife

 

From Places To Places

Naniniwala si Bef na matatagpuan niya ang kanyang nakalaang eternal companion mula sa ibang lugar. Iyon kasi ang nakatala sa kanyang Patriarchal Blessing. Ilang beses niya binanggit sa kin yun, mula pa nung hindi pa nagiging sila ng una niyang gf hanggang sa pinakahuling pag-uusap namin. Hindi ko na mabilang. Pero ang pag-unawa sa Patriarchal Blessing ay iba-iba. Depende sa tao, depende sa kalagayan, depende sa mga desisyon sa buhay, depende sa natanggap na inspiration.

Kaya nga hindi na ko nagtataka kung sa mga oras na to ay taga ibang lugar ang bagong kasintahan ni besfren. Hindi naman yon imposible. Hahahaha. Oo, may GF na naman si Leonard Alarcon. Nakakatuwa lang. Hindi ko alam pero parang affected ako. Ganun ba talaga yun.

Si Rochelle Aira Tolentino ay isang single adult sa Apollo Ward, Bataan. Active LDS ang buong family niya at ang kanyang kuya na si Richard Allan ay dating ka-apartment ni Lenard sa Philippine Cauayan Mission. Mula pa man ng umuwi si Lenard noong 2008 ay nabanggit na ni Richard ang kanyang kapatid at inimbita na ito sa kanilang lugar upang makilala si Aira. Pero dahil sa may ibang plano si Bef ng mga panahong iyon, ipinagpaliban niya muna ang pagpunta sa Bataan. Ilang buwan din ang lumipas at isang mahabang kwento din ang natapos, nagkaroon na ng magandang pagkakataon si Besfren upang pag-isipan ang nakatala sa kanyang Patriarchal Blessing.

Bumisita si Lenard sa lugar nila Richard at doon ay nakilala niya ng personal si Aira. Hindi ko na alam ang mga detalye ng pagbisita niya pero mula nun, napansin ko na lagi nang naka Unlimited Call si Besfren sa Smart.

Yun na yon.

June 3, huwebes ng gabi pagkauwi ko galing sa youthcamp, masayang ibinalita sa kin ni Lenard ang pagbabago ng status sa kanyang lovelife. Nung mga araw pala na nasa youthcamp ako sa Real Quezon ay nagtungo siya sa lugar nila Aira. At yun, naging sila.

Parang mabilis yung kwento pero ganun na nga ang nangyari. Kinabukasan, naging open sa facebook ang kanilang relationship status. Hindi pa kami nagkikita ni Bef mula nung araw na nagkausap kami the day before siya pumunta sa Bataan at ako sa Quezon. Pero tyak happy siya. Hindi lang si INNOVA ang bago sa life niya ngayon, may AIRA pa! Hahahahahahaha!

Sa Patriarchal Blessing ko wala naman sinabing I will find my eternal partner as I go from one place to another. Although kakasimula palang ng bagong lovelife ni mojo, bat di mo kaya sulyapan ulit ang PB mo? Hehehe. *wink*

 
Leave a comment

Posted by on June 4, 2010 in lovelife